السبت، 21 أغسطس، 2010

"مضى ثلث رمضان"

مضى الثلث الأول من رمضان...يعنى راح مننا عشر أيام فى هذا الشهر الكريم..نعمل وقفة مع نفسنا شوية ونجدد نيتنا ونشد العزم ونرجع حماسنا اللى أكيد قل بمرور العشر أيام دول..
يعنى إيه نعمل وقفة مع نفسنا؟؟؟؟؟

يعنى تسأل نفسك:
بتقرأ القرآن كل يوم واللا إبتديت تنشغل عنه؟؟؟ بتصلى التراويح كل يوم واللا ابتديت تكسل؟؟؟ وإيه أخبار صلة الأرحام؟؟؟؟ طيب إنت لسة فرحان بقدوم رمضان واللا الفرح دة إبتدى يقل مع مرور الأيام؟؟؟؟ حققت كل اللى إنت عايزه؟؟؟ راضى عن اللى عملته فى العشر أيام دول؟؟؟؟؟؟

أسئلة كتير قوى ممكن تسألها لنفسك وتقف مع نفسك شوية....فلو كنت غير راضى عن اللى عملته فلسة الشهر طويل ولسة الفرص متاحة .. جدد نيتك ورجع حماسك وإبدأ رمضان وكأنه النهاردة أول يوم...إعتبر رمضان دة غُرفة كبيرة مليئة بالكنوز وشوف عايز تاخد قد إيه من الغُرفة دى ولسة قدامك عشرين يوم..  

أذكركم وأذكر نفسى بقول الحسن البصرى رحمه الله:
"رمضان سوق قام ثم إنفض..ربح فيه من ربح..وخسر فيه من خسر"

خلصت أول عشر أيام من رمضان وهى أيام الرحمة.. وبدأنا تانى عشر أيام من رمضان وهى أيام المغفرة..ندعى فيهم ربنا بإنه يغفر لنا ويقوينا ويعيننا على صيام وقيام رمضان...

2 التعليقات:

نادر يقول...

اللهم أعنا على ذكرك وشكرك وطاعتك وحسن عبادتك
يارب نفضل بنفس حماسنا لآخر الشهر الكريم

جزاكى الله كل خير :)

Dr.Rana يقول...

اللهم آمين..اللهم آمين
وإياك إن شاء الله :)

إرسال تعليق